BARAZA LA WAZEE WA YANGA:MSIWASIKILI WAZANDIKI

Mhariri:Herman kihwili,IMEWEKWA.Jun. 11,2014 SAA 07:59 MCHANA

Baraza la wazee wa klabu ya yanga wamewataka wanachama wa klabu hiyo kutowasikiliza baadhi ya watu ambao wanapinga kitendo
cha kumuongezea muda wa mwaka mmoja  wa kukaa madarakani Mwenyekiti klabu hiyo Yusuph Manji.

Akizungumza na waandishi wa habari hii leo Mwenyekiti wa balaza la wazee wa klabu ya yanga Mzee Ibrahimu Akilimali amesema kuwa, wanachama ndio waliokubaliana kumuongezea muda mwenyekiti wao Manji,kwani awali mwenyekiti huyo hakutaka kuongeza muda wa kukaa madarakani.

"Tulikubaliana kumuongezea muda wa mwaka mmoja kwa sababu yeye amesema hatagombea.Ndio maana likatokea ombi la wanachama na yeye kulipokea na kukubaliana kumuongezea muda wa mwaka mmoja ili kuweza kumaliza majukumu yake kadhaa" alisema Ibrahimu Akilimali 

Adha mzee akilimali akijibu swali la mmoja wa waandishi wa habari  la kwa nini wasiitishe mkutano mkuu wa uchaguzi ili kuweza kumpa muda zaidi wa kukaa madarakani, mzee Ibrahimu Akilimali  alisema Manji yeye hataki kugombea ndio maana wakampa muda wa mwaka mmoja.

Bakiri Makele pia alitoa ya moyoni kuhusu wanachama 250 waliopeleka barua Tff

Pia akilimali alipoulizwa kama hawaoni wameisigina katiba kwa kumuongeza muda, alisema kuwa siku zote Hudhuru huvunja sheria.

Mzee Ibrahimu Akilimali amesema hao watu 250 walioandika barua kwa TFF ya kutaka kuitisha mkutano mkuu wa uchaguzi ni wazandiki kwani baadhi yao si wanachama halali wa klabu hiyo, kwani hulalika lakini uwanachama wao wa klabu hiyo umekufa, na kuwataka wawasilishe hiyo barua yao katika Makao makuu ya Klabu ya Yanga,vinginevyo  kamati ya maadili itawajadili na kuwafuta uanachama.