PICHA:ANGALIA MAPOKEZI YA COASTAL UNION TANGA JANA IKITOKEA VISIWANI PEMBA.

NA MWANDISHI WETU, TANGA. IMEWEKWA.Sept.07,2014 SAA 02:00 USIKU

MKUU wa wilaya ya Tanga,Halima Dendego leo ameongeza mapokezi ya timu ya Coastal Union yaliyofanyika kwenye
uwanja wa Ndege jijini Tanga ambapo timu hiyo ilikuwa ikitokea Visiwani Pemba ilipokuwa imeweka kambi kwa muda wa mwezi mzima.

Akizungumza wakati wa mapokezi hayo DC Dendego amesema kuwa serikali ya wilaya hiyo haitasita kuchukulia hatua watu wote wanaoleta migogoro na chokochoko ndani ya klabu ya Coastal Union kwa sababu wasiposhughulikiwa wanaweza kupelekea kuwagawa wanachama,wapenzi na mashabiki hivyo kudhoofisha maendeleo.

Wachezaji hao walitua uwanja wa ndege Tanga wakitumia ndege mbili tofauti ambapo baada ya hapo Mkuu huyo wa wilaya aliweza kuongoza msafara wa magari zaidi ya 50,pikipiki na baiskeli zisizokuwa na idadi zilizunguka maeneo mbalimbali jijini Tanga huku wananchi wakijitokeza kwa wingi kuilaki kila ilipokuwa ikipita kwa kuimba nyimbo za kuisifu timu hiyo.

ASKARI AKIONGOZA MSFARA WA COASTAL UNION LEO

BURUDANI

KOCHA CHIPO AKIZUNGUMZA NA WAANDISHI LEO

MAPOKEZI

MSAFARA UKIELEKEA KLABU YA COASTAL UNION

MSAFARA WA PIKPIKI

WACHEZAJI WAKIINGIA KAMBINI

WAPENZI WAKIIMBA AIRPOTI

Baada ya mzunguko huo ambao ulichukua takribani saa moja ndipo wachezaji wa timu hiyo wakawasili kambini eneo la Raskazone Hotel Pembezoni mwa bahari ya hindi ilipo kambi yao hivyo.

Dendego amesema kuwa lazima wao kama serikali wahakikisha klabu zao mkoani hapa zinakuwa na utulivu kila wakati kwa hiyo inapotokea inakwenda kunyume chake basi wao watachukua hatua kali ili iweza kuwa fundisho kwa watu wengine ambao wanaweza kufanya hivyo kipindi kingine.

Kulia ni Kocha Mkuu wa Coastal Union,Yusuph Chippo akisalimia na Mkuu wa wilaya ya Tanga,Halima Dendego mara baada ya kuwasili uwanja wa Ndege Tanga akiwa ameambana na timu hiyo wakitokea Pemba walipokuwa wamweka kambi wa kwanza kulia anayemtabulisha ni Meneja wa Coastal Union Akida Machai na kushoto ni Katibu Mkuu wa Coastal Union Kassim El Siagi

Mkuu wa wilaya ya Tanga,Halima Dendego akizungumza na waandishi wa habari katika uwanja wa Ndege jijini Tanga mara baada ya timu ya Coastal Union kuwasili katika uwanja huo ikitokea visiwani Pemba ilipokuwa imeweka kambi ya mwezi mmoja ikijiandaa na msimu mpya wa Ligi kuu soka Tanzania bara

Hata hivyo amesema kuwa lazima wapenzi ,wanachama na mashabiki kuhakikisha wanakuwa na mshikamano wa thati ili kuweza kuhakikisha timu hiyo inafikia malengo yake waliojiwekea kwenye msimu mpya wa Ligi kuu soka Tanzania bara.

Kwa upande wake,Katibu Mkuu wa Coastal Union,Kassim El Siagi amesema kuwa timu hiyo ilifanya usajili mzuri msimu huu hivyo wana matumaini makubwa ya kufanya vizuri kwa kuanzia na mechi yao na Simba ambao haiwapi wasiwasi wa aina yoyote ile.

El Siagi amesema kutokana na maandalizi timu hiyo walioifanya wakiwa visiwani Pemba wana matumaini makubwa ya kuibuka na pointi tatu muhimu mbele ya Simba mechi ya ufunguzi wa Ligi kuu itakayochezwa uwanja wa Taifa jijini Dar es Salaam.

ALIYEKUWA MWENYEKITI WA COASTAL UNION HEMED AURORA KULIA AKITETA JAMBO NA MKUU WA WILAYA YA TANGA HALIMA DENDEGO LEO KWENYE MAPOKEZI HAYO

Awali akizungumza katika mapokezi hayo,aliyekuwa Mwenyekiti wa Coastal Union,Hemed Aurora amewataka wapenzi ,wanachama kudumisha na kuendeleza mshikamano ili kuiwezesha timu hiyo kuweza kufikia malengo yao ya kuchukua ubingwa wa Ligi kuu msimu ujao.

   “Umoja na mshikamano ndio siri ya mafanikio yoyote yale hivyo nawasihi wapenzi ,mashabiki na wanachama muenzi mshikamno kwa sababu ndio nuru ya mafanikio kwenu “Alisema Aurora.

KWA TAARIFA,MATOKEO YA MECHI MBALIMBALI,BREAKING NEWS,LIKE PAGE YA FACEBOOK  BONYEZA HAPA (Jamii na Michezo) .

PICHA ZOTE NI KWA HISANI YA COASTAL UNION