BAADA YA BRENDAN RODGERS SASA NI ZAMU YA DAVID MOYES,JE? ATATOKA SALAMA?

 IMEWEKWA JANUARI 10.2014 SAA 04:37 USIKU

Meneja wa Manchester United David Moyes imeshtakiwa kwa utovu wa nidhamu na Chama cha Soka FA kwa maoni yake 

katika mechi dhidi ya Sunderland katika nusu fainali ya kwanza ya kombe la Ligi ambapo walifungwa mabao 2 kwa 1 siku ya Jumanne.

Bosi huyo wa Manchester United alimkosoa mwamuzi Andre Marriner pamoja na wasaidizi wake kutokana na kipigo hiko.

Meneja huyo mwenye umri wa miaka 50 alisema kuwa timu yake inacheza dhidi ya waamuzi pamoja na timu pinzani.

“Sote tulikuwa tukiwacheka (marefa) wakati huo. Inaonekana ni kana kwamba tunacheza dhidi yao (marefa) pamoja na wapinzani kwa sasa.”alisema

Katika taarifa ambayo ilitolewa kwa tahadhari na FA, ambayo wanadai Moyes "ameshtakiwa kwa kosa linaloitwa uadilifu wa mwamuzi katika mechi,  / na alisema kuwa viongozi wale katika mechi walikuwa na motisha kwa upendeleo; / au na kuleta mchezo kwa jina baya."

Moyes ameambiwa hadi siku ya tarehe 15 Januari saa 6:00 mchana  awe amejibu mashtaka ya FA, na anatarajiwa kukutana na faini kama atapatikana na hatia. 

Mapema wiki hii Meneja wa Liverpool Brendan Rodgers amepigwa faini ya £ 8,000 na kuonywa juu ya tabia ya kutoa maoni yasiofaa dhidi ya muamuzi wa mechi yao na Manchester City, mwezi uliopita ambayo walipoteza, baada ya yeye kukiri  kwa  shirikisho la FA kufuatia utovu huo wa nidhamu.