RATIBA YA LIGI DARAJA LA KWANZA RAUNDI YA 10 WIKIENDI HII

Mhariri:Herman Kihwili. IMEWEKWA.Jan.07,2016 SAA 10:25 JIONI

Ligi Daraja la Kwanza Tanzania Bara (StarTimes League) inaendelea wikiendi hii kwa michezo 12 kuchezwa katika

viwanja mbalimbali nchini ikiwa katika mzunguko wa kumi, huku kila timu ikisaka pointi tatu muhimu kuweza kupanda Ligi Kuu ya Vodacom msimu ujao wa 2016/2017.

Kundi A, Jumamosi Mji Mkuu watawakaribisha Ashanti United uwanja wa Jamhuri mjini Dodoma, Kiluvya United dhidi ya Polisi Dar uwanja wa Mabatini – Mlandizi, Africa Lyon v Friends Rangers uwanja wa Karume jijini Dar es salaam huku Polisi Dodoma wakiwa wenyeji wa KMC FC uwanja wa Mgambo Mpwapwa.

Kundi B, Polisi Morogoro watacheza dhidi ya Lipuli uwanja wa Jamhuri Morogoro, JKT Mlale watawakaribisha Kimondo FC uwanja wa Majimaji mjini Songea, Kurugenzi FC dhidi ya Ruvu Shooting uwanja wa Wambi Mafinga na Njombe Mji watakua wenyeji wa Burkinafaso uwanja wa Amani- Njombe.

Kundi C, Panone FC watawakaribsha maafane wa JKT Kanembwa uwanja wa Ushirika mjini Moshi, Polisi Mara watacheza dhidi ya JKT Oljoro uwanja wa Karume mjini Musoma, Rhino Rangers dhidi ya Geita Gold uwanja wa Ali Hassan Mwinyi Tabora, huku Mbao FC wakicheza dhidi ya Polisi Tabora mchezo utakaonyeshwa moja moja na kituo cha Star TV.

MALINZI ATUMA SALAMU ZA RAMBIRAMBI

Rais wa Shirikisho la Mpira wa Miguu Tanzania (TFF), Jamal Malinzi ametuma salamu za rambirambi kwa chama cha soka cha Zanzibar (ZFA) kufuatia kifo cha mwamuzi mstaafu wa FIFA Juma Ally Khamis kilichotokea jana kisiwani Pemba.

Katika salamu zake, Malinzi amewapa pole familia ya marehemu, ndugu, jamaa, marafiki na wadau wa mpira wa miguu na kusema TFF ipo pamoja na wafiwa katika kipindi hiki kigumu cha maombolezo.

Wakati wa uhai wake marehemu Juma Ally Khamis alikuwa mwamuzi mwenye beji ya FIFA, mkufunzi wa waamuzi Tanzania, Meneja wa uwanja wa Amani – uliopo Zanzibar na mratibu wa michezo Wizara ya Habari na Utamaduni na Michezo kisiwani Zanzibar.

Mazishi yanatarajiwa kufanyika leo Alhamis nyumbani kwake Pemba.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo)