BARAKA KIZUGUTO AFISA HABARI MPYA WA TFF

Mhariri:Herman Kihwili IMEWEKWA.Feb.05,2015 SAA 07:55 MCHANA

KUTOKA KULIA:Ofisa habari wa TFF Baraka Kizuguto, katibu mkuu wa TFF Selestine Mwasingwa,na mkurugenzi wa mashindano wa Tff  Boniface Wambura,wakizungumza hii leo.

Shirikisoho la mpira wa miguu Tanzania TFF limemteua Bwana Baraka Kizuguto kuwa Afisa Habari,ambapo uteuzi huo

umefanyika tarehe 01 Februari 2015.

Akizungumza na waandishi wa habari hii leo katibu mkuu wa TFF Selestine Mwasingwa amesema shirikisho (TFF) lina amini kizuguto atatekeleza majukumu yake kiukamilifu na kumtakia kila la Kheri katika kazi zake.

Kabla ya uteuzi huo Kizuguto alikuwa afisa habari wa klabu ya Young  Africans,nafasi aliyoitumikia kwa muda wa miaka miwili.

Kizuguto ana Stashahada ya juu ya Habari na Mawasiliano toka chuo cha LEARN IT cha Dar es salaam,pia ana ujuzi wa kusanifu tovuti,ufundi wa Kompyuta na uchambuzi mifumo ya kompyuta.

Kizuguto Mwezi Mey 2 014 aliteuliwa na FIFA Kuhudhulia mafunzo ya usajili na uhamasho wa kimataifa wa wachezaji kwa njia ya mtandao (TMS) iliyofanyika Johannesburg Afrika Kusini.

Kizuguto amelishukuru TFF kwa uteuzi huo na kuwaomba waandishi wa habari ushirikiano,”Nategemea ushirikiano kutoka kwenu,nami nitajitaidi kadri ya uwezo wangu kushirikiana na nyinyi”,alisema Kizuguto “hakutakuwa na mabadiliko,kama alivyokuwa akifanya Wambura nitajitaidi kadri ya uwezo wangu kushirikiana na Nyinyi,ili kuweza kuusogeza mpira katika nafasi nyingine”.alimalizia Kizuguto.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .