Juan Cuadrado Usiku wa kuamkia leo amekamilisha uhamisho wa £ 26.1 million kutoka Fiorentina na kujiunga na
viongozi wa Ligi Kuu England klabu ya Chelsea.
Mshambuliaji huyo raia wa Colombia mwenye umri wa miaka 26 amesaini mkataba wa miaka minne na nusu na anaweza kucheza mechi yake ya kwanza na Chelsea dhidi ya timu ya Aston Villa mwishoni mwa wiki hii.
Uhamisho huo umekamilika kufuatia Chelsea kumuuza Mshindi wa kombe la Dunia kutoka Ujerumani Andre Schurrle kwenda katika klabu ya Wolfsburg aliposaini miaka minne na nusu na klabu hiyo ya Bundesliga kwa dau la pauni milioni 24.
Cuadrado ambaye aliisaidia timu yake ya Colombia kutinga katika robo fainali katika Kombe la Dunia nchini Brazil, ikishinda 4-1 dhidi ya Japan naye kuchangia kusaidia pasi nne za ushindi,na amefunga mabao sita katika mechi 23 katika ligi ya Italia.
KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK BONYEZA HAPA (Jamii na Michezo) .
0 Comments