WAATHIRIKA WA MABOMU MBAGALA,WATOA YA MOYONI

Na.Ngonise Kahise,IMEWEKWA NOVEMBA 20.2013 SAA 01:40 USIKU

Waathirika wa mabomu Mbagala yaliyolipuka mnamo tarehe 29/04/2009 wamemtaka naibu mkurugenzi wa maafa hayo Mama

Nanai kutowaingilia katika madai yao kwani wanasubiri uamuzi utakaotoka kwa Rais wa Jamuhuri ya Muungano wa Tanzania Mh Dr Jakaya Mrisho Kikwete.

Mwenyekiti wa wathirika Steven w. Gimonge akifafanua jambo kwa waandishi wa habari (awapo kichwani)

Akizungumza na wanahabari jijini Dar es salam mwenyekiti wa waathirika wa mabomu hayo Bw Steven Gimonge amedai kuwa naibu mkurugenzi huyo ambaye amehamishia ofisi zake katika majengo ya  ofisi ya Kata Mbagala kuu katika manispaa ya Temeke jijini Dar es salam  asimshinikize Raisi kutoa maamuzi kwani amekuwa kero kwa waathirika hao.

“Tunayo hakika kwamba Naibu Mkurugenzi hana nafasi kwa kipindi hiki maana tatizo letu halipo ofisini kwake tatizo letu tumeshalifikisha kwa Muheshimiwa Raisi na tuna hakika hawezi kumtumia yeye(naibu mkurugenzi) katika kumaliza tatizo hilo”alisema Bw Gimonge .

Thomas W. Mbasha(katikati)

Aidha Bw Gimonge amemtuhumu Naibu Mkurugenzi huyo pamoja na watumishi wengine kwa kufanya ufisadi wa kuchukuwa haki yao na kuwalipa waathirika hao Sh 1,400 na 1,950 za kitanzania na kuwataka wawe na subira mpaka hapo uamuzi huo utakapopatikana. 

Ikiwa ni takribani miaka minne tangu maafa hayo kutokea na kusababisha  baadhi ya wakazi wa maeneo hayo kupoteza maisha pamoja na mali zao,bado serikali haijawa na kauli thabiti kuhusu kulipwa fidia kwa waathirika hao jambo ambalo linawaweka katika wakati mgumu wananchi hao wakiwemo wazee,wanawake pamoja na watoto .