Timu ya soka ya Tanzania chini ya umri wa miaka 17
(Serengeti Boys) hii leo ilikua inakabiliwa na mchezo wa mkondo wa pili wa
kuwani kufuzu kwa fainali za Afrika dhidi ya timu ya vijana ya visiwa vya Shelisheli.
Serengeti Boys iliyoondoka nchini juzi kuelekea visiwani
humo ilikua ikichagizwa na ushindi wa mabao matatu kwa sifuri walioupata kwenye
mchezo wa mkondo wa kwanza wacheza hapa nyumbani mwishoni mwa juma lililopita.
 |
| Kikosi cha Serengeti Boys kilichoanza hii leo |
Katika mchezo wa hii leo timu hiyo ambayo inatazamwa kama
tegemeo la watanzania kwa siku za usoni, imefanikiwa kuchomoza na ushndi wa
mabao sita kwa sifuri.
Mabao hayo ya Serengeti Boys yalisukumwa nyavuni na Ibrahim
Abdallah aliyefunga mabao matatu, Asad Juma aliyefunga mabao mawili pamoja na Issa
Makamba.
Kwa mantiki hiyo sasa Serengeti Boys wanasonga mbele kwa
jumla ya mabao tisa kwa sifuri na sasa wanajipanga kwa ajili ya mchezo ujao
ambao utawakutanisha dhdi ya Afrika kusini.
0 Comments