Katika mechi za Ligi ya Klabu Bingwa Ulaya usiku wa jana.Barcelona wakiwa nyumbani wamechomoza na ushindi
wa mabao 6-1 dhidi ya AS Roma.
Mabao yao yakifungwa na Luis Suarez aliyefunga mawili na Lionel Messi pia alifunga mawili na Gerard Pique na Adriano wao walifunga goli mojamoja na bao la kufutia machozi la AS Roma lilifungwa na Edin Dzeko.
Lakini Neymar yeye alikosa Penalti katika mchezo huo.Na kuhusiana na Neymar yeye na klabu yake ya Barcelona wamefikia makubaliano ya kuongeza mkataba mpya, na kukomesha uvumi baada ya Neymar mwenyewe kusisitiza katika television Hispania TV3, kuwa atasaini mkataba mpya na klabu hiyo.
Na Matokeo mengine hapo jana,Bayern Munich wakaichapa Olympiakos mabao 4-0.
Arsenal walibuka na ushindi wa 3-0 dhidi ya Dinamo Zagreb,na Arsenal itahitaji ushindi wa mabao 2-0 dhidi ya Olympiakos katika mchezo ujao,ama ushindi wowote wa kuanzia mabao matatu ili kuingia katika makundi ya timu 16 bora,na Mkufunzi wa Arsenal, Arsene Wenger ana imani kwamba klabu yake itafuzu baada ya kujiwekea matumaini hapo jana kwa ushindi dhidi ya Dinamo Zagreb.
BATE Borisov wakifungana bao 1-1 na Bayer Laverkusen, FC Porto wakilala 2-0 dhidi ya Dynamo Kiev, Zenit St P wakiichapa Valencia 2–0 na Lyon wakilala mbele ya KAA Gent bao 2-1.
Maccabi Tel Aviv wakalala hoi kwa Chelsea kwa kichapo cha mabao 4-0,mabao yao yakifungwa na Gary Cahill,Willian,Oscar na Kurt Zouma na kuifanya timu hiyo ya kocha Jose Mourinho kuwa na nafasi ya kufudhu hata kama wakipoteza,lakini ikiwa Dynamo Kiev watashindwa kuwapiga Maccabi Tel Aviv]
Na kocha Jose Mourinho anasema kuwa "anahitaji calculator, kwa sababu anajua ikiwa Chelsea watashinda mechi yao ya mwisho ya hatua ya makundi dhidi ya FC Porto siku ya 9 Desemba,basi Chelsea itamaliza wa kwanza. Na anajua pia kama watapoteza mechi hiyo,wataenda Europa League,lakini kwa sare Jose Mourinho anasema hajui.
Jose Mourinho amesisitiza kuwa anapenda kufikiri kuwa watashinda mechi yao, dhidi ya FC Porto siku ya 9 Desemba.
John Terry, jana alitolewa nje baada ya kuumia na kocha Jose Mourinho anasema kuwa jeraha alilolipata ni baya na ni hatari na huenda asicheze mechi ijayo ya ligi ya England dhidi ya Tottenham.
Michuano hiyo inatarajia kuendelea tena hii leo kwa michezo kadhaa.
Miongoni mwa mechi hizo ni Man United dhdi ya PSV Eindhoven, Atletico Madrid na Galatasaray, Juventus dhidi ya Man City na Shakhtar Donetsk watawaalika Real Madrid.
KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK BONYEZA HAPA (Jamii na Michezo)
0 Comments