MRISHO NGASSA:COUTINHO NA JAJA NI CHAGUO SAHIHI KWA YANGA,LAKINI...

Mhariri:Herman Kihwili IMEWEKWA.Sept.15,2014 SAA 12:04 JIONI

Mshambuliaji wa Dar es salaam Young Afrika Mrisho Ngassa amesema  Ujio wa wachezaji kutoka Brazil Jaja na Coutinho ni

chaguo sahihi katika timu yao,lakini ana amani wachezaji hao wataleta changamoto kwa wachezaji ndani ya kikosi chao.

Akizungumza na Jamii na Michezo Mrisho Ngassa mara baada ya mechi ya ngao ya jamii ambapo timu ya Yanga iliibuka na Ushindi dhidi ya Azam kwa Mabao matatu kwa sifuri huku Mbrazil Jaja akifunga mawili na Saimon Msuva akifunga moja.Mrisho Ngassa amesema ameupokea ushindi huo kwa furaha sana kwa sababu wamepambana na timu ambayo ina wachezaji wazuri.

"Ushindi huu nimeupokea kwa furaha sana kwa sababu Azam ni timu ambayo inajua kucheza,lakini tumeweza kushinda namshukuru mungu ".alisema Mrisho ngassa na kuendelea kuwa "Ligi itakuwa ni ngumu,lakini sisi tumeshajipanga kwa hiyo nadhani ligi itakuwa ni nzuri sana,kikubwa nawaomba mashabiki wetu watuunge mkono kama walivyofanya leo"alifafanua  Mrisho Ngassa.

Kushoto:Coutinho akibusu Jezi ya Yanga akiwa na kipa wa timu hiyo "Dida"

 Genilson Santana Santos ‘Jaja’ akifurahia Ushinda baada ya kupata medali

Katika hatua nyingine Mrisho Ngassa ameelezea ujio wa wachezaji wawili kutoka Brazil Coutinho na Jaja "Ujio wao ni Mzuri kwa sababu unaleta changamoto kwa timu na wachezaji kwa ujumla,kwangu mimi binafsi naona ni mzuri sana kwa sababu tunaweza kushinda kila mechi,wito wangu tuzidi kumuomba Mungu na amini tutafanya vizuri zaidi"alimalizia Mrisho Ngassa

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .