Manchester United wamekanusha uvumi kuwa mshambuliaji wao mpya Radamel Falcao amedanganya umri wake.
Falcao, ambaye amesajiliwa kwa mkataba wa mkopo wa muda mrefu kutoka Monaco kwa uhamisho uliofanyika tarehe ya mwisho ya usajili, na inadaiwa kuwa mchezaji huyo ana umri wa miaka 30 badala 28.
Uvumi huo umemwandama mchezaji huyo wa kimataifa wa Colombia, na kuna wakati mwaka 2013 alilivalia njuga jambo hilo katika mtandao wa Twitter na kusisitiza kuwa uvumi huo ulikuwa ni 'Ujinga kabisa ".
Mshambuliaji huyo pia awali alitoa nakala ya cheti chake cha kuzaliwa katika jitihada za kuthibitisha umri wake na United wanadai wao hawana wasiwasi na taarifa hizo .
" tunafahamu huo uvumi kwa muda sasa na hatuna mashaka na suala hilo," msemaji wa klabu alisema.
Falcao anaweza kucheza mechi yake ya kwanza na United siku ya Jumapili katika ligi kuu ya Barclays watakapokuwa nyumbani wakipambana na QPR
KWA TAARIFA,MATOKEO YA MECHI MBALIMBALI,BREAKING NEWS,LIKE PAGE YA FACEBOOK BONYEZA HAPA (Jamii na Michezo) .
0 Comments