LIGI KUU TZ BARA:MATOKEO YA YANGA,AZAM,NDANDA FC,MGAMBO ,RUVU SHOOTING NA MBEYA CITY YAKO HAPA

Mhariri:Herman Kihwili IMEWEKWA.Sept.20,2014 SAA 08:35  USIKU

Kivumbi cha Ligi kuu ya Tanzania bara kimeanza kutimua vumbi rasmi hii leo Sept.20 katika viwanja sita tofauti.

Macho na masikio ya watu wengi yalikuwa yakiutazama mchezo uliopigwa mkoani Morogoro ambapo kulikuwa na mchezo kati ya wenyeji wa mchezo huo Mtibwa Sugar waliokuwa wakipambana na timu ya Yanga Kutoka Dar es salaam.

Kocha Marcio Maximo ameanza vibaya Ligi kuu Tanzania bara Leo.

Mchezo huo umemalizika kwa timu ya Mtibwa Sugar kuibuka na ushindi mzuri wa mabao mawili kwa sifuri.

Mabao ya Mussa Hassan Mgosi katika dakika ya 15 na Ame Ali dakika ya 78 yameipa  Mtibwa Sugar ushindi huo wa nyumbani.

Lakini katika mchezo huo Mshambuliaji kutoka nchini Brazil Genilson Santana ‘Jaja’ alikosa penalti.

Mchezo mwingine ulikuwa unapigwa katika uwanja wa Chamanzi,ambapo mabingwa watetezi Azam Fc wameibuka na Ushindi wa mabao matatu kwa moja dhidi ya Polisi Morogoro.

Ndanda Fc wao wamechomoka na ushindi mzito wa mabao 4 kwa 1 dhidi ya timu ya Stand United,mchezo ambao umepigwa katika mkoa wa Shinyanga.Timu hizi zote mbili zimepanda daraja msimu huu.

Mkoani Tanga katika Uwanja wa Mkwakwani Wenyeji Mgambo Shooting wameibuka na ushindi wa Bao moja kwa sifuri Dhidi ya timu ya Kagera Sugar.

Ruvu Shooting waliokuwa katika uwanja wa mabatini mkoani pwani wao wamekiona cha moto,baada ya Tanzania Prisons kuibuka na ushindi wa mabao 2 kwa 1.

Na huko mkoani mbeya,Mbeya City na JKT Ruvu wametoka sare ya bila kufungana.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .