MESSI HATOKI KAMWE-ROSELL

 Mhariri:Herman Kihwili.IMEWEKWA DESEMBA 12.2013 SAA 08:20 USIKU

Nyota wa Barcelona Lionel Messi, hataenda popote katika utawala
wa rais Sandro Rosell kiongozi huyo alitangaza Alhamisi. 

"Kwa muda wote nikiwa rais, lolote liwezekanalo au lisilowezekana litatendwa kuhakikisha Messi anasalia kitako hapa," Rosell alihimiza katika hafla ya kuwasilisha mkataba wa ushirikiano baina ya Barca na kampuni kuu ya elektroniki ya Marekani, Intel. 

Sandro Rosell

"Ni vigumu sana, au tuseme haitowezekana, kuwa Messi ataondoka katika timu hapa." 

Mshindi huyo mara nne wa tuzo ya Ballon d' Or anauguza jeraha na anatarajiwa kurudi uwanjani Januari huku kandarasi yake Barcelona ikidumu hadi 2018 karibu na wakati nyota huyo atakuwa karibu kuadhimisha miaka 31 tangu kuzaliwa kwake. 

Tetesi kuhusu hatima yake zilizuka Jumanne pale makamu wa rais wa maswala ya kiuchumi wa Barca, Javier Faus, alipofichua hakuna haja ya kujadilia kandarasi yake upya. 

"Kwanini? Kandarasi yake Ilijadiliwa upya miezi sita pekee iliyopita," Faus aliambia kituo cha redio cha Rac1. 

Kulingana na duru za Uhispania, Messi ana kipengere cha Euro milioni 250 kwa yeyote anayetamani kumtia huru kutoka katika  minyororo ya kandarasi yake na Barca ingawaje timu zenye uwezo wa kutimiza hayo ni chache mno. 

Uvumi kuhusu uwezekano wa mazungumzo mapya baina ya mshambuliaji huyu na klabu chake umezuka kutokana na swala la mishahara. 

Mtani wake wa jadi wa Real Madrid, Christiano Ronaldo, alisaini mkataba mpya wenye dhamani ya Euro milioni 17 kila mwaka kulingana na gazeti la Marca na kumfanya awe mchezaji kabumbu anayelipwa kiasi kikubwa nchini hiyo. 

Jarida la Forbes linashikilia Messi anatia kibindoni Euro milioni 16 kila mwaka kwa ulinganishi.