FIFA YAIPA TANZANIA MGAO WA TIKETI 260 KWA AJILI YA KOMBE LA DUNIA,LAKINI PIA YATAJA MAKUNDI YA DROO YA KOMBE LA DUNIA

 IMEWEKWA DISEMBA 4,2013 SAA 12:15 JIONI

Shirikisho la Kimataifa la Mpira wa Miguu (FIFA) limeipa Tanzania mgawo wa tiketi 260 za Fainali za Kombe la Dunia

nchini Brazil.

Watanzania wanaohitaji tiketi hizo wanatakiwa kutuma maombi TFF kwa maandishi wakielezea aina ya tiketi na mechi wanazotaka kushuhudia. Hakuna tiketi zitakazoombwa FIFA bila kuwepo maombi kwa maandishi.

Tiketi zilizopo kwa Tanzania ni ifuatavyo; kwa hatua ya makundi (ukiondoa mechi ya ufunguzi), raundi ya 16 bora, robo fainali na mechi ya kutafuta mshindi wa tatu ni 250.

Kwa mechi ya ufunguzi, nusu fainali mbili na fainali (mechi namba 1, 61, 52 na 64) ni tiketi kumi tu ndizo zitakazopatikana. Bei za tiketi ziko katika viwango vitatu tofauti.

Mechi ya ufunguzi tiketi zake ni dola za Marekani 495, 330 na 220. Hatua ya makundi (mechi namba 2-48) ni dola 175, 135 na 90. Hatua ya 16 bora (mechi namba 49-56) ni dola 220, 165 na 110.

Robo fainali (mechi namba 57-60) ni dola 330, 220 na 165 wakati nusu fainali (mechi namba 61 na 62) ni dola 660, 440 na 275. Mechi ya mshindi wa tatu ni dola 330, 220 na 165. Kiingilio kwa fainali kitakuwa dola 990, 660 na 440.

TFF itawasilisha maombi ya tiketi hizo FIFA kuanzia Desemba 8 mwaka huu  hadi Februari 7 mwakani. Idadi ambayo itaombwa FIFA itatokana na Watanzania waliowasilisha maombi TFF kwa vile zinaweza zisipatikane tiketi zote hizo zilitengwa kwa Tanzania.

Hivyo tunasisitiza maombi ya tiketi yatakayofanyiwa kazi ni yale ambayo yamewasilishwa TFF kwa maandishi tu.

 FIFA YATANGAZA MAKUNDI YA DROO YA KOMBE LA DUNIA

Fifa mnamo Jumanne ilitangaza makundi ambayo yatatumiwa kufanya droo ya fainali za Kombe la Dunia la mwaka ujao Ijumaa ambapo timu 32 zitawekwa kwenye makundi manane ya raundi ya kwanza ya timu nne kila kundi.

Kundi 1 ni la timu nane kuu, na moja itawekwa katika kila Kundi A-H. Makundi yaliyosalia yamepangwa kuambatana na maeneo ambayo timu zinatoka.

Wenyeji Brazil watapewa nafasi A1 katika droo hiyo na watacheza mechi ya ufunguzi Sao Paulo mnamo Juni 12. 

Kumbuka: Droo ndogo ya kabla ya droo kuu itafanywa kuweka moja ya timu tisa za Ulaya katika Kundi 2. Timu hiyo ya Ulaya kisha itawekwa dhidi ya moja ya timu nne kutoka Amerika Kusini ili kudumisha usawa wa maeneo kwenye droo.

Timu nne zilizotoka Amerika Kusini : Brazil, Uruguay, Colombia, Argentina zitaunda Kundi X la muda. Timu tatu ambazo hazitajipata zikipewa timu hiyo ya Ulaya katika Kundi 2 zitarejeshwa katika droo kuu.