BREAKING NEWS:MALINZI AMTAKA RAGE AITISHE MKUTANO MKUU NDANI SIKU 14 KUANZIA SASA,LAKINI UWE NA AGENDA 1 TU

Mhariri:Herman Kihwili.IMEWEKWA NOVEMBA 23.2013 SAA 11:35 JIONI

"Agenda iwe moja tu" Malinzi

Rais wa Shirikisho la Mpira wa Miguu Tanzania (TFF), Jamal Malinzi,amemtaka Mwenyekiti wa Klabu ya Simba Mh.Ismail

Aden Rage kuitisha mkutano mkuu wa wanachama wake ndani ya siku 14 kuanzia leo.

Akizungumza na waandishi wa habari hii leo jijini Dar es Salaam,Malinzi amesema kuwa (TFF) limetoa agizo hilo baada ya kubaini kuwa mgogoro katika klabu hiyo baada ya kupokea barua mbili,barua ya kwanza ni kutoka kwa kamati ya utendaji ya Simba ambayo inasema imemsimamisha Mwenyekiti wake,na barua ya pili ni kutoka kwa mwenyekiti wa Klabu ya Simba Mh.Ismail Aden Rage ikisema kwamba hatambui maagizo hayo ya kusimamishwa.

Uamuzi wa TFF umefanywa kwa kuzingatia Ibara ya 1(6) ya Katiba ya Simba inayosema: “Simba Sports Club ni mwanachama wa TFF, itaheshimu Katiba, kanuni, maagizo na uamuzi wa TFF na FIFA, na kuhakikisha kuwa zinaheshimiwa na wanachama wake.”

"Mkutano huo uwe na Agenda 1 tu ya kujadili mgogoro kati ya mwenyekiti wa simba na kamati ya utendaji,na Tff itatuma mjumbe wake kuangalia nini kinaendelea na baada ya hapo ataleta riport kuhusiana na mkutano huo"alisema Mlinzi.

TFF itatuma wawakilishi wake katika mkutano huo, na kumuagiza Mwenyekiti wa Simba kuhakikisha wanachama wote wenye hoja wanapata fursa ya kusikilizwa.