AUDIO:HIKI NDICHO ALICHOKISEMA MANJI JUU YA AKILIMALI NA MKUTANO JUMAPILI

Mhariri:Herman Kihwili. IMEWEKWA.OCT.21,2016 SAA 01:26 USIKU

Mwenyekiti wa klabu ya Young Africans Yusuf Manji amewataka wanachama wa klabu hiyo kujitokeza kwa wingi katika mkutano

mkuu wa dharura ambao umepangwa kufanyika mwishoni mwa juma hili kwenye uwanja wa Kaunda jijini Dar es salaam.

Manji amesema kila mwanachama wa Young Africans mwenye haki ya kuhudhuria mkutano huo wa dharura anapaswa kufika bila kuhofia vitisho vinavyoendelea kutolewa na baadhi ya watu ambao wameonyesha kupingana na dhamira ya mabadiliko inayotaka kufanyika klabuni hapo.

Amesema katika mkutano huo atakuwa muwazi na atatoa uhuru kwa wanachama kuwa na haki ya kufanya maamuzi katika masuala ambayo yatahitaji ridhaa yao kwa kupiga kura ya NDIO ama HAPANA.

Katika hatua nyingine suala la Katibu wa Kamati ya Muafaka ya Wazee wa Yanga, Ibrahim Omar Akilimali likaibuka kwenye mkutano wa Yusuf Manji na waandishi wa habari kufutia taarifa ambazo zimesambazwa katika mitandao ya kijamii kuhusu uhalali wa uanachama wa mzee huyo ambaye juzi alijitokeza hadharani na kupinga mpango mabadiliko ambao huenda ukaafikiwa katika mkutano mkuu wa dharura wa wanachama siku ya jumapili.

SIKILIZA HAPA

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo)

Share