PICHA:AZAM FC NDIYO MABIGWA WAPYA WA NGAO YA JAMII,YAICHAPA YANGA KWA PENALTI 4 - 1

Mhariri:Herman Kihwili. IMEWEKWA.AUG 17,2016 SAA 01:49 USIKU

Azam fc ndiyo mabingwa wapya wa Ngao ya Jamii baada ya hii Leo kufanikiwa kuibuka na ushindi wa penalti 4 kwa 1.

Mchezo huo uliopigwa katika uwanja wa taifa jijini Dar es salaam unaoashiria kufunguliwa kwa pazia la msimu mpya wa Ligi Kuu ya Vodacom Tanzania Bara (VPL) 2016/17,ambapo wababe hao wawili bingwa wa Afrika Mashariki na Kati Azam FC,na mabingwa wa ligi kuu Tanzania bara Yanga Sc walitoka sare ya kufungana maba 2 - 2 katika dakika 90 za kawaida

Hii ni mara ya nne mfululizo kwa timu hizo kukutana kwenye mechi ya Ngao ya Jamii, Yanga ikifanikiwa kuibuka na ushindi mara tatu. 
 

Walianza kukutana mwaka 2013, Yanga wakishinda bao 1-0, lililofungwa na Salum Telela, ikashinda tena 3-0 (2014) na mwaka (2015 ) jana Yanga kushinda kwa changamoto ya mikwaju ya penalti 8-7 kufuatia sare ya 0-0 baada ya dakika 90 za muda wa kawaida kumalizika.

Katika mchezo wa leo Mabao yote ya Yanga yakifungwa Mzimbabwe Donald Dombo Ngoma moja kwa Penalti dakika ya 20 na  lingine dakika 2 baadaye yaani dakika ya 22, na Azam FC mabao yao yalifungwa na beki Shomary Salum Kapombe dakika ya 74 pamoja na Nahodha John Raphael Bocco dakika 90'.  

Katika Penalti upande wa Azam fc wote walipata ambao ni John Raphael Bocco,Nahodha Msaidizi Himid Mao Mkami, Shomary  Kapombe pamoja na Kipre Michael Balou.

Upande wa Yanga Kipa Deo Munishi ‘Dida’ ndiye pekee aliyefunga penalti,huku mkwaju wa mchezeji mpya wa klabu hiyo Hassan Ramadhani Kessy ukipanguliwa na kipa wa Azam Fc Aishi Salum Manula,na penalti ya kiungo wa Rwanda, Haruna Fadhil Niyonzima alipaa juu ya lango.

ANGALIA PICHA 

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo)