JUMA KASEJA KUWANOA MAKIPA SERENGETI BOYS

Mhariri:Herman Kihwili. IMEWEKWA.JULY 25,2016 SAA 12:42 JIONI

Timu ya taifa ya vijana chini ya umri wa miaka 17 (Serengeti Boys), kesho itaondoka nchini kuelekea nchini Madagascar kwa ajili ya

kwenda kuendelea na kambi ya kujiandaa na mchezo wa kuwania kufuzu fainali za Afrika kwa vijana dhidi ya Afrika kusini utakaochezwa mapema mwezi ujao.

Safari hiyo Sertengeti Boys ni ahadi iliyotolewa na rais wa TFF Jamal Malinzi wakati timu hiyo ilipokua katika mchakato wa kucheza mchezo wa awali wa kufuzu fainali za Afrika dhidi ya Shelisheli, ambapo iliahidiwa kwenda kuweka kambi nchini Madagascar kama wangeshinda mchezo huo, jambo ambalo lilitimia.

Afisa habari wa shirikisho la soka nchini TFF, Alfred Lucas amesema maandalizi ya safari ya Serengeti Boys ambayo itakua na kituo Afrika kusini yameshakamilika, na wana uhakika wa kambi ya nchini Madagascar itazaa matunda ya kufanikisha ushindi.

Alfred Lucas amesema Wamemjumuisha golikipa wa zamani wa klabu ya Simba Juma Kaseja Ambaye ana class c ya ukocha katika benchi la ufundi akimsaidia kocha Bakari Shime katika unoaja wa makipa wa Serengeti Boys.

Pia Alfred Lucas amesema kikosi cha Vijana hao kitaondoka Bila ya kocha Msaidizi Sebastian Nkoma na Shilton ambao wanashiriki kozi ya Ukocha ya Fifa.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo)

Share