SERENGETI BOYS KWENDA VISIWANI SHELISHELI

Mhariri:Herman Kihwili. IMEWEKWA.Jun 29,2016 SAA 03:04 USIKU

Kikosi cha cha kwanza cha timu ya taifa ya vijana ya Tanzaia chini ya umri wa miaka 17, Serengeti Boys kilichoifunga 3-0 Shelisheli

Timu ya taifa ya vijana chini ya umri wa miaka 17 (Serengeti Boys),Usiku wa kuamkia leo inatarajia kuondoka nchini kuelekea visiwani Shelisheli

tayari kwa mchezo wa mkondo wa pili wa kuwani nafasi ya kushiriki fainali za Afrika kwa vijana zitakazofanyika nchini Madagascar mwaka 2017.

Kocha mkuu Bakari Shime ameteua kikosi cha wachezaji 20 ambao watasafiri na timu hiyo kesho kuelekea visiwani Shelisheli, huku akiwaachama wachezaji wengine wane ambao wanakabiliwa na majeraha.

Kikosi cha kwanza cha Shelisheli kilichofungwa na
Serengeti Boys  3-0

Maandalizi ya safari kwa Serengeti Boys yameshakamilika baada ya kuibuka na ushindi wa mabao matatu kwa sifuri katika mchezo wa mkondo wa kwanza uliopigwa jijini Dar es salaam, mwishoni mwa juma lililopita.

Benchi la ufundi la Serengeti Boys

Kocha mkuu wa Serengeti Boys, Bakari Shime amesema kikosi chake kipo tayari kwa safari pamoja na mpambano huo wa mwishoni mwa juma hili.

Amesema amekiandaa kikosi chake kwa ajili ya kupata ushindi popote pale, hivyo hana shaka na maandalizi aliyoyafanya kabl ya kupambana na Shelisheli katika mchezo wa mkondo wa pili.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .

Share