Taarifa zinasema kwamba West Ham wameshindwa jitihada zao za kumsajili mchezaji wa Tottenham Emmanuel
Adebayor kwa mkopo.
Mchezaji huyo raia wa Togo mwenye umri wa miaka 30,yuko katika mapumziko lakini Spurs wamekuwa na harakati za kumtoa kwa mkopo kwa wapinzani wao wa Ligi Kuu.
Hiyo imemuweka nje Adebayor katika klabu hiyo iliyoko katika nafasi ya sita ya msimamo wa ligi , licha ya mchezaji huyo mwenyewe kutaka kujiunga na klabu na West Ham baada ya kutimiza vigezo vya mkopo .
Vyanzo mbalimbali vinaeleza Queens Park Rangers pia walikuwa na nia ya kumsajili mchezaji huyo wa zamani wa Arsenal na Manchester City kwa mkopo, lakini yeye sasa atabaki Tottenham kama mchezaji.
Taarifa siku ya Jumapili usiku ilisema kwamba Adebayor alikuwa ni mmoja wa idadi ya wachezaji wa Spurs walikuwa na matumaini ya kuuuzwa kwa mkopo pamoja na nahodha Younes Kaboul, winga Aaron Lennon na kiungo Etienne Capoue.
KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK BONYEZA HAPA (Jamii na Michezo) .
0 Comments