ALICHOKIJIBU MOURINHO KUHUSU KUMUHITAJI TENA ROONEY

 IMEWEKWA JANUARI 11.2014 SAA 08:02USIKU

Meneja wa Chelsea Jose Mourinho imekataa taarifa iliyotolewa kuwa na maslahi mapya ya kumuhitaji mshambuliaji wa Manchester United

Wayne Rooney.

Chelsea walikuwa na zabuni mbili kwa ajili ya Rooney ambazo zilikataliwa katika majira ya joto na kumekuwa na uvumi kwamba Mourinho yuko tayari kumdaka mchezaji huyo wa kimataifa wa England  kama United wakishindwa kufuzu katika Ligi ya Mabingwa mwishoni mwa msimu.

Mourinho alipoulizwa kuhusu Rooney, ambaye kwa sasa ametengwa kutokana na tatizo lake katika sehemu ya ndani ya goti , katika mkutano wake na vyombo vya habari kwa ajili ya mechi ya Ligi Kuu ya siku ya Jumamosi dhidi ya Hull. 

Mreno huyo alijibu kwa kutikisa kichwa chake na kusisitiza kuwa yeye hakuwa tayari kuzungumza kuhusu mchezaji kutoka timu ambayo imepangwa kukutana na Chelsea katika uwanja wa  Stamford Bridge Jumapili ijayo. 

"Sitaki kuongea kuhusu hilo," Mourinho alisema.

 

"Sisi tunacheza na Man United katika siku chache zijazo,Sidhani ni vizuri kusema juu ya mchezaji wa  Man United."

 "Unaweza kumuuliza mwenyewe (Rooney),Na Man United kwa sababu Man United ina mkataba na mchezaji huyo hadi mwishoni mwa msimu." 

Mourinho anaamini United bado watamaliza katika nafasi nne za juu mwishoni mwa msimu chini ya David Moyes ingawa sasa wako katika nafasi ya saba na michezo 18 wamecheza msimu huu.