KUTOKA MAHAKAMANI:SOMA TAARIFA KUHUSU WIZI WA SIMU

IMEWEKWA DESEMBA 2.2013 SAA 02:32 USIKU

Simu zikiuzwa kwa mafungu huko nchini china

WAFANYAKAZI wawili wa kampuni ya Swissport jijini Dar es Salaam Daudi Mwenga (49)ambaye ni dereva katika Kampuni hiyo

na Jakson Kituka( 30), mpokea mizigo wamefikishwa katika Mahakama ya Wilaya Ilala jana kwa kosa la wizi wa simu zenye thamani ya Mil. 5.2 mali ya mlalamikaji Sued Hamisi Chemchem.

Mbele ya Hakimu wa Wilaya Janneth Kinyage ilidaiwa na Mwendesha Mashitaka Inspekta wa Polisi Cecilia Mkonongo kuwa Novemba 11 ,mwaka huu, Uwanja wa Mwalimu Julius Nyerere ambapo washitakiwa hao  kwa pamoja waliiba simu za mkononi ambazo zilikuwa katika maboksi.

Ilidaiwa kuwa washitakiwa hao waliiba katoni 20 aina ya M-Horse zenye thamani y ash.3,477,600,katoni 10 aina ya Nokia 5200 zenye thamani y ash.338,100 ,aina ya Sharp zenye thamani y ash.740,000 na Sumsung zenye thamani ya Sh.6,441,000 ambazo zote ni mali ya mlalamikaji Chemchem.

Hata hivyo washitakiwa hao wote kwa pamoja walikana mashitaka hayo na kesi hiyo itatajwa tena Disemba 19 mwaka huu.

Hapo awali  Kamanda wa Polisi wa Viwanja vya Ndege Renatus  Chalya akizungumzia na waandishi wa habari alisema simu hizo walikizamata baada ya jeshi hilo kuweka mtego katika viwanja hivyo baada ya ndege ya Qatar Airways kutua uwanjani hapo.