MWENYEKITI WA BAYERN MUNICH AKANA UVUMI KUHUSANA NA MESSI

 Mhariri:Herman Kihwili.IMEWEKWA NOVEMBA 26.2013 SAA 10:21 ALFAJIRI

 

Mwenyekiti wa mabingwa wa Uropa na Ujerumani, Bayern Munich, Karl-Heinz Rummenigge, amesema hawatajaribu kumsaini

nyota mkuu Lionel Messi ambaye analipwa kiasi cha Euro milioni 250 katika klabu yake ya Barcelona. 

Mwenyekiti wa Klabu ya Beyern Munich Karl-Heinz Rummenigge

“Tunazungumzia kiasi cha fedha ambacho hatuwezi kumudu, kiasi kikubwa kuliko zile tulizotoa kumleta Javi Martinez. Hatutasubutu kwenda hapo,” Rummenigge aliambia runinga ya Ujerumani ya Sky Sports.

“Rais wa Barcelona, Sandro Rosell ni rafiki wa jadi na ninajua hawawezi kumuuza Mess,kwa kuwa ni mtu anayeheshimiwa katika klabu ya Barcelona".

“Ninafikiria itamfaa Messi kubakia Barcelona. Anatosha katika klabu hiyo.” 

Fununu za jaribio la kumsaini Messi, biashara ambayo inaweza muunganisha na mwalimu wake wa zamani, Pep Guardiola, zimekuwa zikitembea Ujerumani.

Klabu hicho cha Bavaria kina uwezo wa kumudu fedha hizo kuu,kwani walitangaza wiki mbili zilizopita kuwa wametengeneza Euro million 432.8 kotoka mauzo msimu jana. 

“Kwa nini nimsajili Messi? Hapana, hapana, Barcelona ndio mahali panapomfaa zaidi,” ilisema Guardiola.

Bayern waliwacharaza watani wao Borussia Dortmund 3-0 na kusonga alama nne mbele katika kilele cha Bundesliga huku wakiwa wamefuzu kwenye awamu ya muondoano ya Ligi ya Mabingwa ya Uropa.