PICHA:YANGA YAMTAMBULISHA KOCHA MPYA GEORGE LWANDAMINA

Mhariri:Herman Kihwili. IMEWEKWA.NOV 25.2016 SAA 11:29 JIONI

Uongozi wa klabu bingwa Tanzania bara Young Africans, hatimae hii leo umemtambulisha Kocha George Lwandamina kuwa mkuu wa

benchi la ufundi la klabu hiyo badala ya Hans van der Pluijm.

Makamu mwenyekiti wa Young Africans Clement Sanga alikamilisha jukumu la kumtambulisha kocha huyo kutoka nchini Zambia mbele ya waandishi wa habari.

Sanga amesema wakati Lwandamina anakabidhiwa jahazi la kuongoza benchi la ufundi, aliyekua kocha mkuu klabu hapo Hans van der Pluijm amepanda cheo na kuwa mkurugenzi wa ufundi.

Kwa upande wa George Lwandamina amesema atapambana vilivyo kuhakikisha anafanya vema huku akikiri kuwa na jukumu zito la kutetea ubingwa wa Tanzania bara.

Amesema anaamini wachezaji watatoa ushirikiano dhidi yake licha ya matarajio ya utambulishi mpya wa mfumo ambao anatarajia kuutumia kwa ajili ya kuongeza chachu ya ushindani katika kikosi pamoja na kwa timu pinzani.

Mbali na wachezaji ambao watakua karibu na kocha huyo, Lwandamina pia ameomba Wanayanga kumpa ushirikiano ili kufikia malengo yanayokusudiwa.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo)