KUWAONA YANGA SC NA MEDEAMA UWANJA WA TAIFA NI SH. 3,000 ,TAMBWE ARUDI KIKOSINI

Mhariri:Herman Kihwili. IMEWEKWA.JULY 13,2016 SAA 8:50 MCHANA

Hii leo Young Africans imetangaza Kiingilio cha chini cha mechi kati yao  na Medeama kutoka Ghana kuwa ni shilingi 3,000 kwa
majukwaa ya kijani na Brue.

Katibu mkuu wa Yanga Baraka Deusdedit akizungumza hii Leo

Msemaji wa tff Alfred Lucas amesema kwa upande wa Shirikisho maandalizi yamekamilika

Katibu mkuu wa Yanga Baraka Deusdedit  amesema Viingilio vingine ni shilingi 5,000 kwa majukwaa ya Orange 10,000 kwa majukwaa ya VIP B na C huku 15,000 kwa majukwaa ya VIP A

katika michuano ya kuwania Kombe la Shirikisho Barani Afrika, timu ya mpira wa miguu ya Medeama kutoka Ghana, itawasili Dar es Salaam, Tanzania Alhamisi Julai 14, 2016 kwa ndege ya Shirika la Ndege la Kenya (KQ) na watafanya mazoezi uwanja wa taifa siku ya Ijumaa

Klabu ya Yanga imawaomba mashabiki wa klabu hiyo kufika kwa wingi uwanjani ili kuweza kuwapa hamasa wachezaji katika mchezo huo.

Yanga pia imetangaza kuwa Haji Mwinyi,Gofrey Mwashuya,Deus Kaseke bado ni majeruhi,huku Amis Tambwe akanza mazoezi leo baada ya kupatwa na maleria siku chache zilizopita.

Young Africans itaikaribisha Medeama ikiwa ni mchezo wa tatu kuwania taji hilo hatua ya makundi. Mchezo utafanyika saa 10.00 jioni Uwanja wa Taifa, Dar es Salaam Julai 16, mwaka huu.

Huu ni mchezo wa tatu kwa Young Africans katika harakati za kuwania Kombe la shirikisho hatua ya makundi. Michezo miwili ya awali ilikuwa ni dhidi ya Mo Bejaia ya Algeria ambako ilipoteza kwa bao 1-0 kabla ya kupoteza tena dhidi ya TP Mazembe, mechi iliyopigwa jijini Dar es Salaam.

Mchezo wa Jumamosi utachezeshwa na waamuzi kutoka Misri ambao ni Ibrahim Nour El Din atakayekuwa mwamuzi wa kati; akisaidiwa na Ayman Degaish na Samir Gamal Saad wakati mwamuzi wa akiba akiwa ni Mohamed Maarouf Eid Mansour.

Kamishna wa mchezo huo atakuwa Pasipononga Liwewe kutoka Zambia na maofisa wasimamizi ni Mfubusa Bernard ambaye atasimamia utendaji wa waamuzi wakati Mratibu Mkuu wa mchezo huo kutoka CAF atakuwa Ian Peter Keith Mc Leod.

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .

Share