KLABU BINGWA KATA YA KAWE YAANZA KUTIMUA VUMBI,MAZAWADI TELEEE...angalia picha...

Mhariri:Herman Kihwili. IMEWEKWA.May .3,2015 SAA 08:13 MCHANA

Mashindano ya Klabu Bingwa kata ya kawe yameanza kutimua vumbi siku ya jumamosi may 2 mwaka huu Katika Viwaja vya

Tanganyika Pekaz ,kata ya Kawe,Kinondoni jijini Dar

Mashindano hayo yana Lengo la kuinua vipaji katika kata ya Kawa yanashirikisha timu Nane zinazocheza katika mfumo wa Nyumbani na Ugenini.

Gabliel Munasa akizindua mashindano ya Klabu Bingwa kata ya Kawe

Akizindua mashindano hayo Ndugu Gabliel Munasa ambaye pia ni mkazi wa Kawe,amesema ,kupitia michezo vijana wanaweza kupata ajira,huku kupitia mashindano hayo wakiwa wamejiwekea malengo ya kuweza kupata vijana wakakamavu na wachapakazi katika Kata ya Kawe,kwani kata hiyo imekuwa ni mfano wa kuigwa katika maswala ya michezo.

Aidha Gabliel Munasa ameongeza kuwa, anatambua umuhimu wa mashindano hayo, na ndio maana wakati akiwa Nchini Marekani siku tatu zilizopita alipopokea mualiko wa kufungua mashindano hayo,ameweza kufika haraka kwa ajili ya Shughuli hiyo kwa kuwa jamii ya wana Kawe imeweza kumpa nafasi hiyo.

Pia Gabliel Munasa amesema zawadi katika mashindano hayo,mshindi wa kwanza atapata Jezi seti mbili na mpira Mmoja pamoja na Laki tano,Mshindi wa pili atapata Jezi seti mbili na mpira mmoja.

WITO KATIKA MASHINDANO HAYO NI:VIJANA KUJIANDIKISHA KATIKA DAFTARI LA KUPIGIA KURA ,ILI KUWEZA KUMCHAGUA KIONGOZI WANAYEMTAKA KATIKA MWAKA HUU WA UCHAGUZI.