PALE WAANDISHI WA HABARI WANAPOMBANA KOCHA WA LEICESTER CITY JUU YA MUSTAKABALI WAKE

Mhariri:Herman Kihwili IMEWEKWA.Feb.10,2015 SAA 08:17 USIKU

SIKIA HII,Utafanya nini endapo utapewa taarifa kuwa umetimuliwa kazini?.

Sasa basi, taarifa ni kwamba Meneja wa Leicester City Nigel Pearson amekataa wazi kwamba alichanganyikiwa juu ya ripoti zilizojitokeza siku ya Jumapili, zikidai kuwa alikuwa ametimuliwa katika klabu hiyo.

Taarifa kutoka Sky Sports News HQ siku  ya Jumapili jioni,zilisema kwamba Pearson alikuwa amepoteza kazi yake na klabu hiyo ya Ligi Kuu, kabla ya klabu hiyo kutoa taarifa yake rasmi ikisisitiza kuwa kocha huyo atasalia katika klabu hiyo.

Lakini vyanzo vya Sky vimeeleza kwamba  Pearson na wafanyakazi wake walikuwa wafukuzwe na mmoja wa wamiliki wa klabu hiyo, na kumchukuwa kocha mwingine masaa matatu baadaye.

Suala hilo kuu lilizua mjadala katika mkutano na vyombo vya habari siku ya jana Jumatatu  alipokuwa akizungumzia mchezo wa Leicester City dhidi ya Arsenal utakaopigwa hii leo Jumanne usiku,na ingawa Pearson alikuwa na nia ya kuzungumzia mchezo wao utakaopigwa katika dimba la Emirates, waandishi wa habari wakambana kwa kumtaka azungumzie uvumi huo  juu ya mustakabali wake, naye akasema kwamba hakuna uhakika juu ripoti za awali kwamba alikuwa atimuliwe,na akisisitiza kuwa ni uongo na uvumi tu unaozungumzwa.

Meneja wa Leicester City Nigel Pearson 

"Sijawahi kuzungumza sana kuhusu mahusiano ya ndani katika klabu,daima nimekuwa daima na kazi nzuri na uhusiano na bodi.," Alisema Pearson.

"Wakati mwingine Kuna uvumi - kwa bahati mbaya, wakati mwingine habari zinavuja. Lakini mimi bado nina wajibu wa kuwaongoza wachezaji.Nisingependa kutoa taarifa nje , lakini  mimi nitaendelea kuwepo".

"Naelewa mnataka nini, maswali, lakini nina imani kwa watu mimi nina fanya kazi, wafanyakazi wangu na wachezaji ambao ni muhimu zaidi kwangu kuliko kushughulika na taarifa ambazo zina misingi ya uvumi tu."

Alipoulizwa kama amepewa  uhakika juu ya mustakabali wake na klabu hiyo, alisema: "Nimefanya mazungumzo (na bodi) na kama nitakuwa na kitu cha kusema, itabidi niseme nao kwa namna sahihi kwa watu sahihi".

"Tuna mchezo kesho na mtazamo wangu na wachezaji ni kuona juu ya nini tunaweza kufanya kesho usiku." alisema Meneja wa Leicester City Nigel Pearson 

KWA TAARIFA,BREAKING NEWS,RATIBA PAMOJA NA MATOKEO YA MECHI MBALIMBALI,LIKE PAGE YA FACEBOOK  BONYEZA HAPA (Jamii na Michezo) .